1,547 Бардыгы /

Сузак РИИБи тарабынан тейлеген аймагында кылмыштуулукту, жоруктарды, бузууларды жана ар кандай терс көрүнүштөрдү болтурбоо максатында бирдиктүү алдын алуу иштери жүргүзүлдү. Бул тууралуу Жалал-Абад ОИИБдин басма сөз кызматы маалымдады.

Маалыматка ылайык, иш-чаранын жүрүшүндө 678 автоунаа, паспорт эрежеси боюнча 681 кожолук 2724 атуул текшерилди. РИИБдин кыматкерлери тарабынан алдын алуу иштеринин натыйжасында жалпы 27 бузуулар жөнүндө протокол түзүлгөн. Мындан сырткары издөөдө жүргөн 1 кылмышкер кармалган.

Милиция кызматкерлери эл арасында текшерүү иштери менен катар түшүндүрүү иштерин да алып барышты. Алар элди бардык документтерине так жана сак болууга, ар түрдүү кырсыктардан оолак болууга чакырышты.

«Аймак»