1,720 Бардыгы /

Ала-Бука РИИБнин, райондук билим берүү жана жергиликтүү айыл өкмөттөрдүн кызматкерлери мектептерде ата-энелер менен окуучуларга түшүндүрүү иштерин жүргүзүшүүдө. Бул тууралуу Жалал-Абад ОИИБнин басма сөз кызматы билдирди.

Учурда район аймагындагы Ала-Бука, Өрүктү, Т.Балтагулов, Ак-Там айыл аймактарындагы билим уяларында жолугушуулар өткөрүлдү. РИИБдин жашы жете электер менен иштөө инспекциясынын кызматкерлери ата-энелерди эрте турмушка чыгуунун алдын алууга көмөктөшүүгө чакырышты. Мындан сырткары аялдар кеңештери жана окуучу кыздар менен өзүнчө жолугушуулар уюштурулуп, жаштарды коомдогу жат көрүнүштөрдөн алыс болууга үндөштү.

Ушул сыяктуу иш-чара Чаткал РИИБнин жетекчилиги тарабынан да колго алынып, азыркы учурда район аймагындагы мектептерде алдын алуу иштери жүргүзүлүүдө. Милиция кызматкерлери өспүрүмдөр арасында пикир келишпестиктерди, топтошуп мушташууларды, балдарга карата ырайымсыз мамилелерди жана зордук-зомбулуктарды болтурбоо максатында түшүндүрүү жумуштарын алып барышууда. Алар улуттар аралык ынтымакты бекемдөө, диний экстремизм, жол эрежелерин сактоо керектиги тууралуу маалыматтарды беришүүдө.

“Аймак”