1,910 Бардыгы /

Жалал-Абадда 24-26 январь күндөрү түштүк региону боюнча 60ка жакын мектеп окуучуларынын катышуусундагы жолугушуу өтүүдө. Ага балдар психологу жана педагог Асылбек Жооданбеков да катышууда.

Аталган иш-чара “#Жашстан: Кыргызстандын жаштары тынчтык жана туруктуулуктун элчилери” долбоорунун негизинде Ош, Баткен жана Жалал-Абад областтарындагы 60ка жакын мектеп окуучуларынын катышуусундагы жолугушу болот. Гендердик нормалар боюнча өспүрүмдөрдүн билимин жана жөндөмдөрүн бекемдөөгө арналган окутуу менен 3 күндүк тренинг өтүлөт. Анда коомдогу гендердик теңсиздик жана үй-бүлөдөгү зордук-зомбулуктардын алдын алуу  маселелери боюнча  окутуулар жүрөт.

Тренингдин алкагында окуучулар кызыктуу тапшырмаларды аткарып, сахналаштырылган көрүнүштөрдү көрсөтүп, гендердик теңсиздикке алып келген жагдайларга талдоо жүргүзүштү.

Бул тууралуу Жашстан долбоорунун Жалал-Абаддагы координатору Бегаим Кыдырова төмөнкүлөрдү билдирди.

“Бүгүнкү Жалал-Абаддагы 3 күндүк окутуунун 2чи раунду өтүүдө. Ош, Баткен жана Жалал-Абаддан келген мектеп окуучуларын ар мейманканаларга жайгаштырдык. Бишкектен да социалдык педагогдор келип, учурда теренинг кызуу өтүп жатат. Негизинен бул долбоорго аярлуу үй-бүлөлөрдүн, мигранттардын балдары тандалып алынган. Долбоордун алкагында ай сайын ар түрдүү темаларда тегерек столдор өтүлөт. Кесипке багыт берүү, эрте никеге туруу ошондой эле кылмыштуулукту жаштар арасында кантип жоюуга болот деген темаларды камтыйт. Ал менен эле чектелбестен окуучулар көйгөйлөрдү чечүү жолдорун үйрөнүп жатышат”,-дейт Б. Кыдырова

Тренингдин максаты катышуучулардын гендердик үлгүлөр, тартиптер боюнча билимин жогорулатуу жана өз коомдорунда гендердик теңсиздикке алып келген жагдайларды, көйгөйлөрдүн чечүүгө багытталган демилгелерине көмөк көрсөтүү болуп саналат.

Эске сала кетсек, БУУнун Бишкектеги  “Жалпы кызыкчылыктарды изилдөө” уюмунун алкагында Жалал-Абаддагы “Абад” коомдук фонду тарабынан “Жашстан” долбоору ишке ашырылып келет. Өлкө  боюнча 15 айыл өкмөттөн, ал эми Жалал-Абаддан 4 (Бек-Абад, Сейдикум, Арсланбап, Ак-Коргон) айыл өкмөттөн 6 дан мектеп окуучусу тандалып алынган.

Акылай КАРАБАЕВА, “Аймак”