1,191 Бардыгы /

Кыргыз Республикасынын Президентинин 2019-жылдын 11-январындагы “2019-жылдын региондорду өнүктүрүү жана өлкөнү санариптештирүү жылы деп жарыялоо” жөнүндөгү ПЖ № 1 сандуу ЖАРЛЫГЫНА ылайык, Кыргыз Республикасынын Юстиция министрлиги тарабынан «Электрондук нотариат» автоматташтырылган маалымат системасынын пилоттук долбоорун республиканын мамлекеттик жана жеке нотариалдык кеӊселеринде тесттик режимде ишке киргизилип, 2019-жылдын 30-декабрынан тартып Жалала-Абад облусунун мамлекеттик жана жеке нотариалдык кеӊселеринде «Электрондук нотариат» автоматташтырылган маалымат системасын функционалдаштыруу боюнча пилоттук долбоор тесттик режимде ишке киришти.

Кыргыз Республикасынын Юстиция министрлиги тарабынан Жалал-Абад облусунун мамлекеттик нотарилдык кеӊселерине жабдуулар берилип, ошондой эле мамлекеттик жана жеке нотариустарга «Электрондук нотариат» автоматташтырылган маалымат системасын функционалдаштыруу боюнча окуп-үйрѳтүү тренингдер жана окутуулар өткөрүлдү.

“Электрондук нотариаттын” киргизилиши нотариустарга “Түндүк” ведомстволорлор аралык электрондук өз ара аракеттенүү тутуму аркылуу саналган секунддар ичинде кардарлар жөнүндө маалымат алууга жана анын документтеринин тактыгын аныктоого мүмкүнчүлүк берет.

“Электрондук нотариаттын” негизги максаты, жарандар үчүн нотариалдык иш-аракеттерин жүзөгө ашыруу үчүн зарыл болгон айрым мамлекеттик органдарынан маалым-каттарды (кыймылдуу жана кыймылсыз мүлк жөнүндө, мүлккө камак боюнча, үй-бүлөлүк абалы тууралуу ж.б.) алып келүүнүн зарылдыгы жокко чыгат ошондой эле, бул маалыматтык тутумун ишке киргизүү нотариустар тарабынан мыйзамсыз жана жаңылыш иш-аракеттерди жасоо мүмкүндүгүн жокко чыгарылып, алардын ишинин ачык-айкындуулугун камсыз кылат, ошону менен бирге, бул тутум башка нотариалдык иш-аракеттерди жүзөгө ашырууда кыймылсыз жана кыймылдуу мүлктөр менен бүтүмдөрдү жүргүзүүдө кылмыштардын санын төмөндөтүүгө, нотариат чөйрөсүндө мыйзамдуулуктун аткарылышынын көзөмөлүн жогорулатууга мүмкүндүк берет.

Жалал-Абад облусунун юстиция башкармалыгынын жетектөөчү адистин м.а.  К.А. Бекболотов