1,632 Бардыгы /

5-февралда Казакстандын Павлодар облустук сотунун кылмыш иштери боюнча коллегиясы 2016-жылы АП-162/3 түзөтүү абагындагы кыйноо боюнча апелляциялык доо арызды карай баштады.

Шаардык соттун чечимине абакта каза болгон дзюдо боюнча Казакстандын бир канча жолку чемпиону Бахытжан Абдыкаримовдун агасы Жандос Абдыкаримов даттанган. Ал иниси өлтүрүлгөн деп эсептегендиктен, «Адамды өз жанын кыюуга чейин жеткирүү» беренеси боюнча чыгарылган өкүмдү жокко чыгарууну талап кылган.

Мындан тышкары 2016-жылы аталган абактагы кыйноодон улам каза болгон Саин Муратбековдун атасы соттолгондорго 12 жылдык жаза мөөнөтүн талап кылууда.

Прокурор бул иш боюнча шаардык сот чыгарган өкүмдөрдү күчүндө калтырууну өтүндү. Соттолуучулар күнөөлөрү жок экенин билдиришти. Кийинки отурум бүгүн, 6-февралга белгиленген.

Павлодар шаардык соту 2019-жылы 4-сентябрда бул иш боюнча айыпталган 14 адамды беш жылдан жети жылга чейинки мөөнөттөргө эрктеринен ажыраткан.

Алгач айыпталуучу катары 16 киши өтүп жаткан. Бирок сот жараяны аяктаганга чейин алардын экөө каза болуп калган.

Эл аралык укук коргоо уюмдары менен Батыш өлкөлөрү Казакстандын бийлигин абактардагы кыйноо учурларын токтотууга чакырып келишет.

www.