869 Бардыгы /

МОСКВА. Кыргызстандын Орусиядагы Элчиси Аликбек Жекшенкулов Исландиянын Орусиядагы Элчиси Берглинд Асгейрсдоттир менен Исландия тарабынын демилгеси боюнча жолугушту.

Жолугушуунун жүрүшүнндө эки тараптуу мамилелердин, эл аралык уюмдар, энергетика, айыл чарба, мунун ичинде балык өндүрүү, туризм, билим берүү жана маданий-гуманитардык чөйрөлөр алкагында кызматташуунун азыркы абалы туурасында өз ара пикир алмашышты. Исландия тарабы эки тараптуу мамилелерди интенсификациялоого, энергетика,  энергияны кайра өндүрүп чыгаруу тармактарында кызматташууну жана балык өндүрүү чөйрөлөрүндө жаңы технологиялар менен алмашууга кызыкдар жана даяр экендиктерин билдирди.

Эки тараптуу мамилелерди мындан ары интенсификациялоо максатында Кыргыз Элчиси Аликбек Жекшенкулов Исландиянын Элчисинин Ишеним Грамотаны тапшыруу үчүн Кыргызстанга сапарын жана мамлекеттик компетентүү органдар, Инвестицияны илгерилетүү жана коргоо боюнча Агенттиктин өкүлдөрү менен жолугушуусун уюштуруу боюнча көмөктөшүүгө даярэкендигин билдирди.

Соңунда тараптар Кыргызстан менен Исландиянын ортосунда ар тараптуу достук мамилелерди өркүндөтүү жана бекемдөө, ошондой эле үстүбүздөгү жылдын февраль жана апрель айларында исландиялык инвесторлордун Бишкек шаарын сапарын уюштуруу келишимине келишти. Кызматташуунун бардык өңүттөрү боюнча өз ара байланыштар үчүн шарттарды жаратуу зарылдыгы дагы баса белгиленди.

Алишер ТОКСОНБАЕВ, өз кабарчы