662 Бардыгы /

ТАШКЕНТ. Ташкент шаарында Кыргыз Тышкы иштер министри Чыңгыз Айдарбеков башында турган Кыргыз делегациясы «Борбор Азия + АКШ» (С5+1) кызматташуу форматындагы Министрлик жолугушууга катышты.
Буга ошондой эле Казакстандын, Өзбекстандын, Тажикстандын, Түкмөнстандын тышкы иштер министрлери жана АКШнын Мамлекеттик катчысы катышты.

Бул расмий жолугушуунун катышуучулары аймактык соода, чек ара коопсуздугу чөйрөсүндө жана суу-энергетика секторунда кызматташуу маселелерин кенен-чонон талкуулашты. Кыргыз Тышкы иштер министри Чыңгыз Айдарбеков
күн тартибине ылайык Кыргыз Республикасынын улуттук приоритеттерин санактады. Борбор Азия өлкөлөрүнүн ортосундагы мамилелерде жана алардын АКШ менен мамилелеринде соода-экономикалык кызматташууга басым жасоо менен ушул форматта аймактык өз ара аракеттенүүнүн мындан ары күчөтүүнү сунуш этти.

Ошентип, аталган иш-чаранын алкагында Ташкент шаарында Кыргыз Тышкы иштер министри Чыңгыз Айдарбеков бир катар эки тараптуу жолугушууларды өткөрдү, атап айтканда, Өзбекстандын Тышкы иштер министри А.Камилов жана АКШнын Мамлекеттик катчысы М.Помпео менен дагы кездешти.

Алишер ТОКСОНБАЕВ, өз кабарчы