824 Бардыгы /

ЕКАТЕРИНБУРГ. Кыргыз Республикасынын Екатеринбург шаарындагы Башкы консулу Руслан Бийбосунов Свердлов облусунун Березовский айылында жайланышкан «Монетка» Соода борборунун өндүрүш ишканасында эмгектенип жатиышкан Кыргыз жарандары менен жолугушту.

Адегенде Башкы консул мекендештери менен ачык маектешип, жумуш шарттары менен жеринде таанышып, аларды кызыктырган бир катар суроолорго дагы жооп кайтарды. Ошондой эле үстүбүздөгү жылдын күзүндө Кыргыз Республикасында өтчү парламенттик шайлоо тууралуу маалымдап, Орусиянын, же башка чет элдик мамлекеттин аймагында шайлоо укугуна ээ болуу үчүн биометрикалык маалыматтарды тапшыруу жана консулдук каттоого туруу зарыл экендиги тууралуу түшүндүрмө жасады.

Мындан тышкары тышкары Кыргыз консулу Р. Бийбосунов аталган компаниянын өндүрүш терминалынын жетекчилиги менен жолугушуп, жумушчулар менен ишкананын ортосундагы эмгек мамилелери боюнча суроолорду ачык-айкын талкуулады. Аталган терминалда 700гө жакын адам эмгектенети. Булардын 360ы –Кыргыз жарандары.

Аталган жолугушууга «Кыргызстан биримдиги», «Кыргызстан-Урал» Кыргыз диаспорасы уюмдарынын өкүлдөрү, Кыргыз Акыйкатчысынын Орусиянын Урал  федералдык округу боюнча коомдук жардамчысы жана мекендештердин  активдери дагы катышышты.

Алишер ТОКСОНБАЕВ, өз кабарчы