672 Бардыгы /

БАКУ. Азербайжан Республикасынын Президенти Ильхам Алиев Баку шаарына жумушчу сапары менен келген Кыргыз Республикасынын Тышкы иштер министри Чыңгыз Айдарбековду кабыл алды.

Жолугушуунун жүрүшүндө эки тараптуу күн тартибинин актуалдуу маселелери кенен-чонон талкууланды. Ушул жылдын күзүндө боло турган Азербайжан Республикасынын Президенти Ильхам Алиевдин Кыргыз Республикасына биринчи расмий сапарынын маселелерине өзгөчө басым жасалды.
Азербайжандын Президенти Иильхам Алиев Кыргыз Респуликасынын Президенти Сооронбай Жээнбековдун аракеттеринен улам Кыргыз-Азербайжан мамилелери сапаттуу жаңы деңгээлге көтөрүлүп жаткандыгын ачыктады. Кыргыз Республикасынын экономикасына инвестиция жумшоого Азербайжан тарабынын даярдыгын билдирди.

Эки өлкөнүн достугунун жана бир туугандыгынын символу болуп кала турган Кыргызстан-Азербайжан достук Сейил багынын жана Бишкек шаарында жалпыга билим берүү мектебинин курулуш долбоорун бачым жүзөгө ашыруунун, ошондой эле борбор шаарлардын ортосунда түз авиакаттамды жандандыруунун маанилүүлүгү дагы баса белгиленди.

Алишер ТОКСОНБАЕВ, өз кабарчы