1,083 Бардыгы /

Быйыл «Санарип аймак» автоматташтырылган маалымат системасын толук ишке ашыруу керектигин Премьер-министри Кубатбек Боронов билдирди.

Маалыматтык технологиялар жана байланыш мамлекеттик комитетинин маалыматы боюнча, «Санарип аймак» автоматташтырылган маалымат системасына 176 айыл өкмөт кошулган. Ал эми билим берүү жана илим министрлиги өлкө боюнча 2292 мектептин 99% интернетке туташтырылганын билдирди.

«Санарип аймак» системасын жүзөгө ашыруу жергиликтүү өз алдынча башкаруунун натыйжалуулугун жогорулатып, адистердин калкка мамлекеттик кызмат көрсөтүүсүндөгү ишин автоматташтырууну шарттайт. Ошондуктан системаны аймактардагы шаарлар менен айыл өкмөттөргө киргизүү иштери күчөтүлүүгө тийиш. «Санарип аймакты» жүзөгө ашыруу үчүн айыл өкмөттөр маршрутизаторлор (роутер) менен ыкчам тартипте камсыздалышы шарт», – деген Өкмөт башчы аймактарда интернеттин жеткиликтүүлүгүнө жана сапатына өзгөчө көңүл буруу керектигин белгиледи.