2,172 Бардыгы /

ЖАЛАЛ-АБАД. БүГүН. Майлуу-Суу шаарынын мэри Нурадил Аманбаев кызматтан кетүү боюнча арызын жазды. Бул тууралуу маалыматты ал өзү ырастады.

Маалыматка караганда, кызматын ташпырууга бүгүнкү кырдаал эмес, жеке компанияга жумушка киргени себеп болгон. Анын мэрлик кызматынын мөөнөтү апрель айында аяктаган. Шаардык кеңештин депутаттарын шайлоо белгисиз мөөнөткө жылгандыктан ал жумушун улантып келе жаткан.

«Мен кечээ кызматтан кетүү боюнча арызымды жазып, социалдык маселелер боюнча орун басарым Мирлан Турганбаевди мэрдин милдетин аткаруучу кылып дайындадым. Менин арызым өкмөттөн каралып, мыйзамдуулугун карашат. Менин кызматтан кетүүм азыркы кырдаалга байланыштуу эмес. Жеке компанияга жумушка киргениме байланыштуу жумушумду тапшырдым», – деди ал.

Н.Аманбаев бул кызматка 2016-жылы келген. Шаарда 25миңден ашуун жашоочу бар.