900 Бардыгы /

ЖАЛАЛ-АБАД. Ала-Бука РИИБдин жана тиешелүү мекемелердин өкүлдөрү менен биргеликте зордук-зомбулуктун алдын алуу жыйыны өткөрүлдү. Бул тууралуу Жалал-Абад ОИИБдин Басма сөз кызматынан маалымдашты.

Малыматта айтылгандай аталган иш чарага 200дөй район тургундары катышып, көйгөйлүү маселелер талкууга алынды. Милиция кызматкерлери тарабынан үй-бүлөлүк зордук-зомбулукту болтурбоо, жашы жете элек өспүрүмдөр арасында кылмыштуулуктун жана топтошуп мушташуулардын алдын алуу багытында биргелешип иштөө зарылдыгы айтылды. Кандай гана коомчулукка жат көрүнүштөргө күбө болсо кайдыгер карабастан тез арада милицияга билдирүү керектиги белгиленди.

Профилактикалык иш-чаралар Чаткал райондук ички иштер бөлүмү тарабынан да жүргүзүлүүдө. Участкалык инспекторлор райондук администрациянын жана социалдык коргоо бөлүмүнүн кызматкерлери менен биргеликте зордук-зомбулуктун алдын алуу боюнча түшүндүрүү иштерин алып барышууда. Алар район аймагындагы айылдарды кыдырышып, жергиликтүү тургундар менен жакындан баарлашып, кызыктырган суроолоруна жоопторду беришүүдө.

Байканбек САДЫКОВ “АЙМАК”