1,371 Бардыгы /

ЖАЛАЛ-АБАД. Жалал-Абад жана Кара-Көл шаарларында кароосуз калгандардын алдын алуу иш-чарасы өткөрүлдү. Бул тууралуу Жалал-Абад ОИИБдин Басма сөз кызматынан билдиришти.

Маалыматта айтылгандай Жалал-Абад ШИИБдин Жашы жете электер менен иштөө инспекциясы тарабынан өспүрүмдөрдүнкароосуз калуусунуналдын алуу иш-чарасы өткөрүлдү. Аталган иш-чарага шаардык социалдык өнүгүү бөлүмүнүн, жергиликтүү аймактык башкармалыктардын өкүлдөрү катышышып, өспүрүмдөрдүн кароосуз калып, ар түрдүү кырсыктарга кабылуусунун алдын алууга багытталды.

Милиция кызматкерлери шаар аймагында ата-энелер менен жеринде жолугушуп, өспүрүмдөрдү көзөмөлсүз калтырбоого үндөштү. Түнкү убакыттарда чоң адамдардын коштоосу жок көчөдө жүрүүлөрдү болтурбоо, кылмыштуулуктун алдын алуу багытында профилактикалык жумуштар алып барылды. Иш-чара учурунда Тайгараев айыл аймагында жашаган 2 өспүрүм мектепте барбай жаткандыгы аныкталып, ата-энесине түшүндүрүү иштери жүргүзүлдү.

Мындай иш-чара Кара-Көл шаардык ички иштер бөлүмү тарабынан да уюштурулуп,  кароосуз  калгандарды аныктоо иштери жүрдү. Тиешелүү кызмат өкүлдөрү менен биргеликте шаар аймагындагы унаа  жуучу  жайлар, дүкөндөр, сулуулук салондору, кафе-ресторандар, компьютердик  клубдар  көзөмөлгө алынды.

Иш-чара  учурунда ар  түрдүү  укук  бузууларга  аралашкан 4 өспүрүмдүн ата-энелерине КРнын Бузуулар жөнүндө кодексинин 61-берененсинин негинде протоколдор толтурулуп, айып пулдар салынды. Мындан сырткары  шаар  аймагында  кафе-ресторан жана  сулуулук  салондорун иштеткендерге  жазуу  түрүндө  кол  коюу  менен  эскертүүлөр  берилип,  жашы  жете  элек  өспүрүмдөрдүн  эмгектин  оор  түрүнө  тартылбоосу  жөнүндө  түшүндүрүү  иштери  жүргүзүлдү.