1,785 Бардыгы /

         ЖАЛАЛ-АБАД. УКМКга караштуу Мамлекеттик чек ара кызматынын Ала-Бука чек ара отрядынын чек арачылары Өзбекстандан Кыргызстанды карай ташылып бараткан аткезчилик жүгүн кармашты.

         УКМКга караштуу Мамлекеттик чек ара кызматынын маалымат жана коммуникация башкармалыгынын маалыматына караганда, УКМКга караштуу Мамлекеттик чек ара кызматынын Ала-Бука чек ара отрядынын чек арачылары Жалал-Абад облусунун Аксы районуна караштуу Босого-Таш тилкесинде Өзбекстандан Кыргызстанды карай атчан келатышкан эки адамды байкап калышкан. Алар Кыргыз чек арачыларын көрүп калышып, атка артылган жүктөрүн дароо таштап, Өзбекстанга кире качышып, изин жашырышкан.  

         Ошентип, талаага ташталган жүктү текшеришкенде, анын ичинен MILANO үлгүсүндөгү 800 куту тамеки табылды. Алдын ала эсептөөлөргө караганда, аткезчилик жүгү 800 000 сомго бааланды. Тиешелүү документтер толтурулгандан кийин фактыны терең иликтөө жана айыпкерлерди аныктап-тактоо максатында тамекилер бүтүндөй жергиликтүү укук коргоо органдарына өткөрүлүп берилди.

         Алишер ТОКСОНБАЕВ, өз кабарчы