2,043 Бардыгы /

БАТКЕН. УКМКга  караштуу Мамлекеттик чек ара кызматынын Баткен чек ара отрядынын чек арачылары Кыргызстан аркылуу аткезчилик жол менен мыйзамсыз ташылып бараткан аткезчилик жүктөрүн кармашты.

УКМКкага  караштуу Мамлекеттик чек ара кызамытынын маалымат жана коммуникация башкармалыгынын маалыматына караганда, УКМКга  караштуу Мамлекеттик чек ара кызматынын Баткен чек ара отрядынын чек арачылары Баткен районундагы Чон-Талаа тилкесинде  Кыргыз жараны А.М. айдап бараткан шектүү Мерседес-Бенц Спринтер автоунаасын текшеришкенде, 2500 кило селитра Кыргызстандан ары Тажикстанга ташылып бараткандыгы ашкереленди. Буга улай жүктүн документтерт болгон эмес.

Ушуга улай УКМКга  караштуу Мамлекеттик чек ара кызматынын Баткен чек ара отрядынын чек арачылары күмөн туудурган КамАЗ автоунаасын токтотушканда, ичинен Кыргыз жарандары 1981өжылы туулган  Т.С. жана 1995-жылы туулган Ж.Т. кармалашты. Бул шылуундар 3300 килодон ашык бадыраңды Тажикстандан нары Кыргызстанга соодалоо максатында алып баратышкан экен. Жалпысынан эсептегенде, кармалган жүктөр 500 000 сомго бааланууда.

Ошентип, жогорудагы эки фактынын негизинде тең тийиштүү протоколдор түзүлүп, жүктөр айдоочулары менен кошо жергиликтүү укук коргоо органдарына өткөрүлүп берилди.

Алишер ТОКСОНБАЕВ, өз кабарчыбыз