1,710 Бардыгы /

Урматтуу маданият кызматкерлери!

Сиздерди кесиптик майрамыңыздар– Маданият кызматкерлеринин күнү менен Кыргыз Республикасынын Президентинин Жалал-Абад облусундагы ыйгарым укуктуу өкүлүнүн аппаратынын жана жеке өзүмдүн атымдан чын дилимден куттуктайм!

Кыргыз элинин кылымдардан бери келе жаткан байыркы тарыхы, басып өткөн жолу, баалуулуктарын сактап, улам кийинки муунга өткөрүүдө маданият жана искусство кызматкерлеринин орду чоң.

Маданият — бул мамлекеттин жүзү, коомдун күзгүсү. Жыл айланып, мезгил өтсө да искусство чеберлеринен, ата-бабаларыбыздан калган таберикти — элдик оозеки чыгармачылык, кол өнөрчүлүк, көркөм адабий дөөлөттөрдүн учугу уланып, кеңири жайылып келет.

Бүгүнкү өнүккөн заманда да адам баласынын билими менен катар анын маданияттулугу коомдук жүрүм-турумдун, эреже-тартиптердин системасы, ыймандуулук жана интеллектуалдык байлыктын, элибиздин дүйнө таанымынын казынасы бойдон калууда.

Урматтуу маданият тармагынын кызматкерлери!

Көөнөрбөс руханий мурасыбызды бөксөртпөй сактоого кошкон баа жеткис салымыңыздарды жогору баалайбыз. Сиздерге бекем ден соолук, үй-бүлөңүздөргө амандык, чыгармачылык ийгиликтерди каалайм!

Абсаттар СЫРГАБАЕВ, Кыргыз Республикасынын Президентинин Жалал-Абад облусундагы ыйгарым укуктуу өкүлү