2,214 Бардыгы /

Жаңы жыл босогосунда Кыргыз Республикасындагы 1681 мамлекеттик мектептер АКШнын Эл аралык өнүктүрүү агенттигинин (USAID) «Окуу керемет!» долбоорунун негизинде дээрлик 1,8 миллион сомдук балдар китептерин алышты. Бишкек шаардык №21-орто мектепте өткөн окуу куралдарын расмий тапшыруу аземине Кыргыз Республикасынын Билим берүү жана илим министринин орун басары Муратбек Касымалиев жана USAID миссиясынын Кыргызстандагы директору Кая Адамс катышышты. Иш-чара белгилүү Кыргыз жазуучусу Чыңгыз Айтматовдун туулган күнүнө жана анын 95 жылдык юбилейине дагы арналды.

          «Окуу керемет!» долбоорунун негизинде алып келинген балдар китептери – 2020-жылдан бери ар кандай жанрдагы 1500гө жакын жаңы аталыштагы балдар китептерин жараткан 60 жергиликтүү автор менен 30 иллюстратордун биргелешкен эмгегинин гана жемиши. Алар үй-бүлө жана достук, урмат-сый, көп түрдүүлүк жана чыгармачылык сыяктуу баалуулуктарды кенен-чонон жайылтат. Жергиликтүү төрт тилде жазылган китептердин электрондук нускалары, булардын арасында жаңдоо тилине которулган 40 китеп Кыргыз Республикасынын Билим берүү жана илим министрлигинин сайтында жана дагы Эл аралык Bloom санарип китепканасында дагы жеткиликтүү.

-Окуу үчүн бекем пайдубалды түзүү менен, биз ар бир баланын жаркын келечегин камсыздай алабыз жана бирге күчтүү мамлекет курууга салымыбызды кошобуз! – деди USAID миссиясынын Кыргызстандагы директору Кая Адамс.

-Бул китептер жергиликтүү авторлор жана иллюстраторлор тарабынан балдардын жаш курагын жана башка өзгөчөлүктөрүн эске алуу менен иштелип чыккан. Мындай китептердин балдарга өз эне тилинде, өзгөчө кыргыз тилинде жеткиликтүүлүгү бизди кубандырбай койбойт! – деп Билим берүү жана илим министринин орун басары Муратбек Касымалиев баса белгиледи.

          Баса, USAIDдин «Окуу керемет!» долбоору 450 000ден ашуун башталгыч класстын окуучуларынын окуу жана математика боюнча жетишкендиктерин жогорулатууга гана багытталган. Долбоор Кыргыз Республикасынын Билим берүү жана илим министрлиги менен кызматташтыкта ишке ашырылат жана өлкөнүн мектептеринин 75 пайызын камтыйт.

          Алишер ТОКСОНБАЕВ, өз кабарчы