57 Бардыгы /

          Убакыттын учканын кара. Ош облусундагы эң ири Араван районунун түптөлгөндүгүнө быйыл 90 жыл толуп олтурат. Ушуга улай эле 19350жылдын 1-майынан тартып Араван райондук «Жогорку түшүм үчүн» (1965-жылдан бери «Достук») гезити дагыле жарык көрүп келатат.

– Басылмабыздын быйылкы 90 жылдык мааракесинин урматына окурмандарабыз арасында «ГАЗЕТАНЫН КООМДОГУ ОРДУ» темасында өзүнчө сынак жарыяладык, – деди Араван райондук «Достук» гезитинин башкы редактору Назгүл ӨМҮРЗАКОВА. – Албетте, өтө маанилүү жана дагы абдан маңыздуу макалаларды гана гезитибизге жарыялап турабыз. Айтмакчы, заман талабына жараша интернет айдыңы басымдуулук кылып баратканы менен, гезиттер дагыле өз ордун жана маанисин эч жогото элек.

Баса, Араван райондук «Достук» гезитинин мааракесинин урматына уюшулуп жаткан «Газетанын коомдогу орду» сынагынын жеңүүчүлөрүнө – биринчи орунга – 10 миң сом, экинчи орунга – 7 миң сом, ал эми үчүнчү орунга – 3 миң сом акчалай сыйлык ыйгарылат.

Алишер ТОКСОНБАЕВ, өз кабарчы