6 Бардыгы /

Ош мамлекеттик университети Ош токой чарбасы жана дагы  жеке ишкер Рамазан Кожомкулов менен «Инновациялык питомник» түзүү, «Сулайман-Тоо музей коругу менен» «Суйлайман-Тоо парк» долбоорунун алкагында кызматташуу, «ОшМУ – Арсланбап Эко» биргелешкен этно экотуризмди өнүктүрүү жана өндүрүштүк иштерди жүргүзүү жаатындагы Меморандумдарга кол койду. 

Баса, «Инновациялык питомник» түзүү боюнча меморандумдун алкагында ОшМУ көчөттөрдү Ош шаарына жана түштүк аймагына толук жеткирип берет. Муну менен жогорку окуу жайы жашылдандыруу жана экологияны жакшыртуу ишине салым кошот. Ал эми «Суйлайман Тоо парк» долбоорунда тоонун айланасына экологиялык жактан туруктуу көчөттөрдү отургузуп, аймакты жашылдандыруу боюнча дагы үзгүлтүксүз иш алып барат. Аталган окуу жайы бул өңүттө атайын питомниктерди түзүп, көчөттөрдү калыбына келтирүү иштери менен экологиялык абалды дагы ого бетер жакшыртууга көмөктөшөт. Ал эми «ОшМУ – Арсланбап Эко» меморандум боюнча тараптар Арстанбап аймагынын экологиясын калыбына келтирүү жана туруктуу сактоо максатында биргелешкен иштерди кошо жүргүзөт.

– Бул иштер өлкө башчысынын тоо экосистемасын коргоо демилгесине ылайык жүзөгө ашырылып жатат. Ошол эле учурда ОшМУда ЖОЖ – илим – өндүрүш – коммерциализация багытында жалпы миссиябызга дагы туура келет, – дейт  ОшМУнун «Тоо экосистемаларын сактоо жана жашыл инновациялар» консалтинг борборунун директору Абдыжапар Аккулов.

Алишер ТОКСОНБАЕВ, өз кабарчы