675 Бардыгы /

          ОШ. Ош технологиялык университетинде “Илимий -техникалык жана билим берүү мейкиндигиндеги интеграциялык процесстер” VII Эл аралык тармактык илимий -техникалык конференциясы аяктады.  Конференциянын алкагында техникалык ЖОЖдордун Орус-Кыргыз консорциумунун IX жалпы жыйыны дагы өткөрүлдү. Буга Орусиянын 33 жана Кыргызстандын 9 ЖОЖдорунун ректорлору жана өкүлдөрү катышышты.

ОшТУдагы аталган иш-чаранын ачылышына Ош шаарынын вице-мэри Венера Рыскулова катышып, техникасы жогору кадрларды даярдоо системасын өркүндөтүү жана өнүктүрүү үчүн эки өлкөнүн университеттеринин, билим берүү, илимий жана билим берүү чөйрөсүндө интеграциялык процесстерди өнүктүрүү, илимий чөйрөлөрүнүн ортосундагы өз ара аракеттин маанилүүлүгүн баса белгиледи. Бул конференциянын негизги максаты – Орусия менен Кыргызстандын ортосундагы билим берүү жана илимий -техникалык чөйрөдөгү байланыштарды кеңейтүү эле.

Ал эми консорциумдун жолугушуусунда биргелешкен билим берүү программаларын жүзөгө ашырууда инновациялык технологияларды кеңири колдонуу абдан кызуу талкууланды. Консорциумдун Кеңешинин ишинин алкагында университеттердин өз ара аракеттенүүсүнүн актуалдуу милдеттери, биргелешкен билим берүү программалары жана кеңейтүү алкагында 11 жаңы университетти (4 Орус жана 7 Кыргыз) кабыл алуу пландаштырылууда. Иш-чаранын жүрүшүндө Орусия Федерациясынын жогорку окуу жайларында чет өлкөлүк жарандардын билим алуусуна квотанын жыл сайын жогорулап жатканы айтылды.

Ошентип, эгер быйыл 18000 кишиге квота бөлүнсө, 2023-жылы – 30 000 адамга квота ажыратылат. Ошондой эле презентациялардын биринин алкагында, чет өлкөлүк жарандарды каттоо 2022-2023 окуу жылдарына бюджеттин эсебинен Орусиянын ЖОЖдоруна окууга тандоодо катышууну улантып жатканы маалымдалды. Мында тандоо эки этапта жүргүзүлөт: биринчиси РосСотрудничество агенттигинин Кыргызстандагы өкүлчүлүгү, экинчиси – Орусиянын ЖОЖдору аркылуу.

Алишер ТОКСОНБАЕВ, өз кабарчы