1,623 Бардыгы /

ЖАЛАЛ-АБАД. Ноокен районунун Достук айыл аймагына заманбап шарты менен милиция бөлүмчөсү курулуп бүтүп, жакында ачылат.

Жалал-Абад ОИИБдин басма сөз кызматы билдиргендей, калк жыш жайгашкан, айрыкча чек арага жакын аймактарда кызматкерлердин иштөө шарттарын жакшыртуу жана элге жакындан кызмат көрсөтүү максатында Ноокен райондук ички иштер бөлүмүнүн Достук аймактык милиция бөлүмчөсү курулду. Курулуш иштерине 4 млн. сомдон ашуун акча жумшалып, анын 3 млн. сому республикалык бюджеттен, калган 1 млн. сомдон ашыгы Достук айыл өкмөтү тарабынан каржыланган.

Азыркы учурда имараттын ички, сырткы бөлүктөрү бүткөрүлгөн. Ичинде нөөмөт бөлүмү, административдик камера, кызматкерлердин иш бөлмөлөрү каралган. Ошондой эле жуунуучу бөлмө да ажыратылып, керектүү каражаттар орнотулду. Пластик терезелер, заманбап эшиктер коюлду. Учурда кызматтык бөлмөлөрүнүн майда жумуштары калды. Достук аймактык милиция бөлүмчөсү жакында ачылат.