1,173 Бардыгы /

         ОШ. Ош облусунда 31-август эгемендүүлүк күнүнө карата көк бөрү жана улуттук спорттун түрлөрү боюнча президенттин кубогу өткөрүлөт. Бул туурасында Президенттин Ош облусундагы ыйгарым укуктуу Өкүлчүлүгүнөн билдиришти.

          Маалыматка караганда. Аталган спорттук иш-чаралар 28-31-август күндөрү Ош облусунун “Төлөйкан” ат майданында жана Акматбек Сүйүнбаев атындагы борбордук стадионунда болмокчу. Ат майданда көк бөрү, ат чабыш, эр эңиш, ат оюндары жана салбуурун боюнча беттештер, ал эми борбордук стадиондо кыргыз күрөшү, “Алыш” бел боо күрөшү, классикалык кыргыз күрөшү, ордо, айкүр жана таяк тартыш боюнча беттештер өтөт. Байге фонду 9 миллион сомду түзөт. Бул мелдешке республикабызхдын баардык аймактарынан, Ош, Бишкек шаарларынан жана Казакстан, Өзбекстан, Тажикистан жана Түркмөнстандан келген спортчулар катышышат.

             Белгилей кетчү жагдай: спорттук мелдештер Кыргыз Республикасынын Эгемендүүлүгүнүн 32 жылдыгына жана мамлекеттик жана саясий ишмер Насирдин Исановдун 80 жылдык мааракесине арналган мамлекеттик маанидеги программанын негизинде гана өткөрүлөт.

Алишер ТОКСОНБАЕВ, өз кабарчы