132 Бардыгы /

БИШКЕК. «Кыргызстан-Россия: жалпы маданий мурас» фестивалынын алкагында көрүнүктүү лингвист, профессор, академик, негизги кыргызча-орусча жана орусча-кыргызча сөздүктөрдүн автору Константин Юдахиндин урматына арналган арт-объектинин ачылыш салтанаты болуп өттү.

Кыргыз тил илиминин жана орус-кыргыз коомчулугунун маданий диалогунун калыптанышына жана өнүгүшүнө баа жеткис салым кошкон илимий ишмердин портрети Б.Ельцинат. КРСУнун гуманитардык факультетинин имаратынын маңдайын кооздоп турмакчы. Бишкектик сүрөтчүлөр түзгөн сүрөт тилдердин көп түрдүүлүгүн сактоонун жана өнүктүрүүнүн маанилүүлүгүн кийинки муундарга эскертип туруу милдетин аткарат.  

«Бизде өткөн «Кыргызстан-Россия: жалпы маданий мурас» фестивалынан жакшы таасирлер жана материалдык белгилер калышын абдан каалайт элек. Кыргыз-Россия Славян университетинин имаратындагы мурал ушундай белгилердин бири болуп калды. Биз университет менен бирге сюжеттин үстүндө көпкө ойлондук жана биздин өлкөлөрдүн жалпы маданий мурастарын чагылдырууга Константин Юдахин эӊ ылайык келет деп чечтик. Түрк тилдерин мыкты билген тилчи 20-жылдардан тартып кыргыз айылдарына экспедицияга көп чыгып, сөз чогулткан. Элет жергесинде өзүнө жаккан сөздөрдү жыйнап жүргөн “орус Жудакин” жөнүндө аӊыздар пайда болгон. Мурал символикалуу түрдө КРСУнун орус тили институтунун жана орус филологиясы кафедрасынын имаратында турат. Бул белек шаардыктарды көпкө кубандырат деп үмүттөнөм!», -деп арт-объектинина чылышында Россиянын Чет элдик мурастар фондунун эл аралык долбоорлор жетекчиси Константин Погорельский белгиледи.  

Аянты 160 чарчы метр турган муралды 10 күндө түзүшкөн. Арт-объектиде Katrevich WOOD & ART брендинин өкүлдөрү болгон жубайлар иштеди. Мурда сүрөтчүлөр белгилүү жазуучу Түгөлбай Сыдыкбековго арналган муралды түзүүгө катышкан. Анда живопистик стиль жогору бааланган, ошондуктан жаӊы долбоорду ошол техника боюнча аткарууну чечишкен. Колуна сөздүктү кармаган орустун “улуу кыргызынын” элесин кыргыз пейзажынын фонунда тартышкан. 

Арт-объектини түзүүчүлөр белгилегендей, мындай монументалдык эмгектер Бишкекти кооздоп жана муундар аралык байланыштардын уланып турганы маанилүү.

Маалым кат

«Кыргызстан-Россия: жалпы маданий мурас» фестивалы Бишкек, Ош жана Кара-Балта шаарларында 8-16-сентябрь күндөрү болупөттү. Иш-чара алкагында кыргызстандыктар көргөзмөлөргө, концерттерге, адабий жолугушууларга, лекцияларга, ошондой эле тилчи-окумуштуу Константин Юдахинге арналган муралдын ачылыш салтанатына катыша алышты.

Фестивалда Кыргызстан менен Россиянын көп жылдык маданий диалогунун натыйжасы болуп саналган рухий жана материалдык мурастар жөнүндө айтып беришти. Ал эми ысымдары эки өлкөгө теӊ белгилүү жазуучулар, окумуштуулар, сүрөтчүлөр, музыканттар, архитекторлор, актерлор жана режиссерлор фестивалдын каармандары болуп калды.

Команда  Бюро  коммуникаций ТАГС