Аймак

КАРА-СУУДА БООР ЖАНА БӨЙРӨКТҮ ТРАНСПЛАНТАЦИЯЛОО БОРБОРУ АЧЫЛАТ

КАРА-СУУДА БООР ЖАНА БӨЙРӨКТҮ ТРАНСПЛАНТАЦИЯЛОО БОРБОРУ АЧЫЛАТ

 447 Бардыгы /

ОШ. Ош облусуна караштуу Кара-Суу районунун Төлөйкөн айылында боор жана бөйрөктү трансплантациялоо борбору ачылат. Бул тууралуу президенттин Ош облусундагы өкүлчүлүгүнөн билдиришти.

          Маалыматка караганда, Министрлер кабинетинин төрагасынын орун басары Эдил Байсалов, презизденттин Ош облусундагы ыйгарым укуктуу өкүлү Элчибек Жантаев, Кара-Суу районунун акими Жакыпбек Субакожоевдор “Азия” кайра калыбына келтирүүчү борборунун жетекчилиги, Индия өлкөсүнөн келген “Меданта” клиникасынын дарыгерлери жана атайын өкүлү башында турган делегациянын мүчөлөрү менен жолугушту. Кездешүү маалында Кара-Суу районунунТөлөйкөн айылында боор жана бөйрөк алмаштыруу борборун ачуу жолдору кенен-чонон талкууланды. Борбор боор жана бөйрөк ооруларын алдын алуу жана трансплантациялоого сапаттуу медициналык кызматты жеткиликтүү баада көрсөтүүгө адистештирилет. Ошондой эле борбордо башка чет өлкөлөрдөн келген бейтаптарды кабыл алууга жана жергиликтүү медицина кызматкерлерине тажрыйба жана атайын билимдер менен алмашууга дагы өзгөчө шарт түзүлөт. Мындан тышкары Кара-Суу райондук мамлекеттик акимчилигинин залында Ош облусунан келишкен 400дөн ашык дарыгерлердин катышуусунда илимий-практикалык конференция дагы өткөрүлдү. Анда илимий-практикалык конференция көрүнүктүү медицина адистеринин – онкология тармагындагы эксперт Ашок Кумар Ваиттын жана “Медант” клиникасынын тажрыйбалуу хирургу Мухамед Акбер Ванинин баяндамалары менен коштолду.

          Аталган медийиналык иш-чара кызыктуу баяндамаларга жана талкууларга бай болуп, 15 бейтапка эксперт дарыгерлер тарабынан бекер кеп-кеёештер дагы кошо берилди. Бул иш-чара Кыргызстандын медицина тармагын өнүктүрүүдө жана Кыргызстан менен Индиянын ортосундагы медициналык кызматташтыкты бекемдөөдө маанилүү кадам болуп саналат.

          Алишер ТОКСОНБАЕВ, өз кабарчы

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17