630 Бардыгы /

          АКШнын Мамлекеттик департаменти журналист жана MediaHubдын тең негиздөөчүсү Али (Мухаммедали) Токтакуновду “Коррупцияга каршы күрөштүн каарманы” сыйлыгынын лауреаты деп жарыялады. Бул сыйлык коррупциянын алдын алууда, анын бетин илгиртпестен ачууда лидерлигин, кайратмандыгын жана коомго таасирин көрсөткөндөргө гана ыйгарылат. Сыйлыкты АКШнын Мамлекеттик катчысы Энтони Блинкен Токтакунов мырзага жана башка 10 адамга 7-декабрда Американын Вашингтон шарында тапшырды. 

          Бир катар башка көптөгөн күчтүү талапкерлер – журналисттер менен ат салышып, кыргызстандык Али (Мухаммедали)Токтакунов мырза Кыргыз Республикасындагы коррупцияга каршы баяндамалары жана сөз эркиндигин жактаган көрүнүктүү ишмердиги үчүн гана сыйлыкка аталган сыйлыкка татыды. Эркин Европа-Азаттык үналгысыннын мурунку кабарчысы Токтакунов Мамлекеттик бажы кызматынын төрагасынын мурдагы орун басары, АКШнын глобалдык Магнитский санкциясына дуушар болгон коррупциялашкан Райымбек Матраимов боюнча бир катар резонанстуу иликтөө иштеринин авторлорунун бири. 2021-жылы Токтакунов мырза өз иликтөөлөрү жана репортаждары аркылуу көз карандысыз журналистиканы өнүктүргөн MediaHub Фондусунун тең негиздөөчүсү болгон. 

          Баса, сыйлык тапшыруу аземинде АКШнын Мамлекеттик катчысы Энтони Блинкен төмөнкдөй кыска сйүлөдү: – Бүгүнкү бардык сыйлык алгандарга: Сиздин эрдигиңиз, чындыкка, адилеттүүлүккө берилгендигиңиз – бизди баш ийдирет, бизди дагы көп нерсеге шыктандырат жана коррупция менен күрөшүү жана коомду жакшыртуу үчүн жасап жаткан иштери үчүн бүткүл дүйнө боюнча опузалоого жана кол салууга дуушар болгон адвокаттарды, укук коргоочуларды, журналисттерди, мугалимдерди коргоону күчөтүүгө болгон туруктуу күч-аракеттерге ого бетер актуалдуулукту кошот.

• Элибизде «Чындык жеңет» деген керемет сөз жана ишеним бар.

Коррупция менен күрөшүү – бул чындык жана адилеттүүлүк үчүн күрөш! Бул сыйлык мафия менен күрөшүүнүн татаал жолунда мени колдогондордун жеңиши. Бул жылы «Коррупцияга каршы күрөштүн каарманы” сыйлыгы 11 өлкөнүн журналисттерине, активисттерине жана өкмөт өкүлдөрүнө ыйгарылды. Менин булардын катарында болушум – Кыргыз элинин уурулукка каршы бирдиктүү экенин, тазалыкка, эркиндикке умтулганын дүйнөгө көрсөтүү эле! – деди толкунданып сыйлыкты алып жатканда МediaHubдын тең негиздөөчүсү Али (Мухаммедали) Токтакунов.

          Не демекчибиз, сыйлыгың кут болсун! Калемин дайыма курчуй берсин, Али!  

Алишер ТОКСОНБАЕВ, өз кабарчы