486 Бардыгы /

Президенттин Ош облусундагы өкүлү Элчибек Жантаев БУУнун Бүткүл дүйнөлүк азык-түлүк Программасынын директору Кожиро Накай менен жолугушуп, айыл аймактарын өнүктүрүү жана колдоо жаатындагы өз ара кызматташууну кенен-чонон талкуулады.

          Адегенде Ош облусунун башчысы Элчибек ЖантаевБУУнун Бүткүл дүйнөлүк азык-түлүк Программасына экономиканы, айыл чарбасын, билим берүүнү жана турмуштун башка тармактарын өнүктүрүүгө кошкон салымы үчүн тереё ыраазычылыыгын билдирип, мектеп окуучуларынын тамактануусун оптималдаштыруу программасына токтолуп, Ош облусу боюнча 158 мектеп Улуттук Программага кошулгандыгын баса белгиледи. Мындан тышкары, тараптар айылдардын инфрат\з\м\н ырааттуу өнүктүрүүгө колдоо көрсөтүүнүн, табигый кырсыктардын коркунучун азайтуунун, климаттын өзгөрүшүнө ыңгайлашуунун жана айыл чарба ресурстарынын жеткиликтүүлүгүн жогорулатуунун маанилүүлүгүн дагы баса белгилешти. Андан ары эки тарап тең биргелешкен аракеттер айыл аймактарын туруктуу өнүктүрүүгө, жергиликтүү калктын жашоо-шартын ого бетер жакшыртууга жана экономикалык өсүш үчүн жагымдуу шарттарды түзүүгө алып келет деген ишенимин дагы билдиришти.

          – Биздин алдыбызда облустун социалдык-экономикалык абалын жакшыртуу боюнча маанилүү милдеттер турат, биз колдоо көрсөтүп, тургундарга ар тараптуу шарт түзүп беришибиз керек! – деди Президенттин Ош облусундагы өкүлү Элчибек Жантаев.

          Ал эми өз кезегинде БУУнун Бүткүл дүйнөлүк азык-түлүк Программасынын директору Кожиро Накай Бүткүл дүйнөлүк азык-түлүк Программасы элет жеринин калкын такай колдоого жана азык-түлүк коопсуздугун камсыздоого багытталган биргелешкен долбоорлорду жана программаларды ж\зөгө ашырууда жигердүү кызматташууну улантууга даяр экендигин баса белгиледи. Жолугушуу эки тараптар Ош облусунун калкынын бакубаттуулугунун кызыкчылыгында мындан аркы кызматташууга даяр экендигин ырасташты.

Алишер  ТОКСОНБАЕВ, өз кабарчы