555 Бардыгы /

          Жалал-Абад облусундап 791 үй-бүлөгө коопсуз жайга токтоосуз түрдө көчүү боюнча эскертүү берилди. Бул туурасында Өзгөчө кырдаалдар министрлигинен билдиришти.

          ӨКМдин Жалал-Абад облусу боюнча башкармалыгынын шаар жана райондук бөлүмдөрүнүн кызматкерлери облустун аймагындагы кооптуу аймактарда дагыле жашап келе жатышкан үй-бүлөлөрдү көчүрүү боюнча эскертүү жасашты. Бул жараян ар бир айыл өкмөт башчылары, шаар мэрлери жана райондук мамлекеттик администрациясынын башчылары менен биргеликте гана жүргүзүлүүдө. Ошол эле учурда кооптуу аймактан көчүү үчүн мамлекет тараптан жер тилкелерин жана жөлөк пул алган үй-бүлөлөр тез убакыт ичинде көчүүсү керек экендиги дагы комиссия тарабынан эскертилди.

          Белгилей кетээрибиз: Жалал-Абад облусунун аймагында 1067 үй-бүлө дагыле кооптуу аймакта жашап келатышат. Жыл башынан тартып 791 үй-бүлөгө көчүү боюнча эскертме нускамалар жазуу түрүндө берилди.

          Алишер  ТОКСОНБАЕВ, өз кабарчы