282 Бардыгы /

        Соңку сааттарда Өзгөчө кырдаалдар министрлиги сел жүрүп, таш кулашы ыктымал деген жерлердин тизмесин жарыялады.Ошондой эле министрлик ары-бери каттагандарды этияттап жүрүүгө, кокус кырсык катталса, 112 кызматына токтоосуз билдирүүнү эскертти.

        Өзгөчө кырдаалдар министрлигинин маалыматына караганда, ушул жылдын 30-31-июлунда жер-жерлерде күтүлүп жаткан нөшөрлүү жамгыр суу каптоо коркунучун дагы жаратышы толук ыктымал. Төмөнкү аймактарда сел жүрүшү ыктымал: Ош облусунун Ноокат, Алай, Чоң-Алай, Кара-Кулжа, Өзгөн, Араван жана Кара-Суу райондорунда.

        Мындан тышкары таш кулашы мүмкүн делген автоунаа  жолдор: Бишкек — Ош автоунаа жолунун 285, 342-348, 358-362, 400, 411-426-чакырымдарында; Ош — Сары-Таш — Эркеч-Там жолунун 64-65, 68-70, 78-80, 100, 106, 121-124, 133 чакырымдарында; Ош — Исфана автоунаа жолунун 64-78, 125-138, 149-190 чакырымдарында; Өзгөн районундагы Мырзаке — Кара-Шоро автоунаа жолунун 18-28, 32-37, 44-56-чакырымында;

        Ошондуктан, Өзгөчө кырдаалдар министрлиги ары-бери каттагандарды этияттап жүрүүгө, эгерде кырсык катталса, анда 112 кызматына дароо билдирүүнү катуу эскертти.

Алишер ТОКСОНБАЕВ, өз кабарчы