42 Бардыгы /

Сара Верт АКШнын Эл аралык өнүктүрүү агенттигинин (USAID) Кыргыз Республикасындагы миссиясынын жаңы директорлугуна айым дайындалы. Ошентип, Верт айым өз милдетин расмий түрдө 2024-жылдын сентябрь айында киришти. Анын эл аралык өнүктүрүү жана дипломатия тармагында жыйырма жылдан ашык тажрыйбасы бар.

        Кыргыз Республикасына дайындалганга чейин Сара Вертайым USAIDдин Нигериядагы миссиясынын директорунун орун басары сыңары эмгектенген. Ал жерде Верт айым саламаттыкты сактоо, экономиканы өнүктүрүү, билим берүү жана демократиялык башкарууну камтыган түрдүү портфелди башкарган. Ал ошондой эле Тунис, Гондурас, Гватемала, Колумбия жана Бангладеш сыяктуу дүйнө жүзү боюнча USAIDдин миссияларында көптөгөн жетекчилик кызматтарды дагы аркалаган.

        – Мен USAIDдин Кыргыз Республикасындагы командасына кошулганыма сыймыктанам жана экономикалык мүмкүнчүлүктөрдү бекемдөө, саламаттыкты сактоонун натыйжаларын жана демократиялык башкарууну жакшыртуу үчүн Кыргыз Республикасынын эли жана өкмөтү менен өнөктөштүктү бекемдөөнү чыдамсыздык менен күтөм! – деди АКШнын Эл аралык өнүктүрүү агенттигинин Кыргыз Республикасындагы миссиясынын жаңы директору Сара Верт айым.

        Баса, Сара Верт айым Джонс Хопкинстин Эл аралык алдыңкы изилдөөлөр мектебинде эл аралык мамилелер боюнча магистр даражасына жана Вашингтондогу Улуттук коргонуу университетинин алдындагы Улуттук аскер колледжинде улуттук коопсуздук стратегиясы боюнча магистр даражасына ээ. Ал Огайо штатынын Кливленд шаарынан болот.

        Акыркы 20 жылдын аралыгынла Америка эли USAID аркылуу Кыргыз Республикасынын өнүгүүсүн колдоого 800 миллион доллардан ашык салым кошту. Бул каржылоо түрдүү сектордогу прогрессти, анын ичинде бизнести жана сооданы алдыга жылдыруу, билим берүүнү жана айыл чарбасын жакшыртуу, көз карандысыз ММКны колдоо жана жергиликтүү өз алдынча башкаруу менен саламаттыкты сактоону бекемдөөгө жардамдашты. USAID ошондой эле өлкөдөгү COVID-19 пандемиясына каршы күрөшүүдө маанилүү өнөктөш экендигин тастыктады.

Алишер ТОКСОНБАЕВ, өз кабарчы