6 Бардыгы /

Мындан ары Баткен жергесинде жол тескөөчүлөрүнүн жумушу боди-камералар аркылуу гана туруктуу көзөмөлдөнөт. Бул тууралсында Ички иштер министрлигине караштуу ЖКККББнын басма сөз кызматынан билдиришти.

Маалыматка караганда, Баткен облустук жол кыймылынын коопсуздугун камсыздоо (ЖККК) бөлүмүнүн шаар жана райондук бөлүмдөрүнүн кызматкерлерине соңку тапта саптык кароо өткөзүлүп, анда кызматкерлерге күнүмдүк кызматка чыгууда ар бир кызматкердин төшүндө байкап туруучу боди-камера менен кызмат алып баруусу жана айдоочуга жасаган мамиледе жана кызматкердин коопсуздугун карап туруучу камералар дагы таратылды..

Мындан тышкары ЖКККнын ар бир кызматкерине жол унаа кырсыктарын алдын алуу жана болтурбоо максатында жол кыймылынын коопсуздугун үзгүлтүскүз камсыздоодо, кызматтык тартипти жана мыйзамдулуукту так сактоого, жарандар менен сылык мамиле кылууга нускамалар жасалып, кызматкерлердин ишмердүүлүктөрү көзөмөлдөнүп тураары дагы айтылды.

Алишер ТОКСОНБАЕВ, өз кабарчы