15 Бардыгы /

Эмил Чакибаев Ош облусунун Ноокат районунун мамлекеттик администрация башчысы — акими болуп дайындалды. Бул тууралуу тескемеге мамлекет башчы Садыр Жапаров кол койду.

Эмил Чакибаев 1982-жылы Чүй облусунун Аламүдүн районундагы Көк-Жар айылында туулган. 1988-1998-жылдары Көк-Жар орто мектебинде окуган. Жусуп Баласагын атындагы Кыргыз улуттук университетин жана Президенттин алдындагы Мамлекеттик башкаруу Академиясын аяктаган.

Баса, Эмил Чакибаев эки ирет Чүй облусунун Аламүдүн районундагы Көк-Жар Айыл өкмөтүнүн башчылыгына шайланган.  2019-2021-жылдарда Аламүдүн районунун акиминин биринчи орун басарлык кызматын аркалаган. Акыркы кезде MAKSAT JOB LTD ЖЧКсынын башкы директорунун кеңешчиси болуп гана иштеп жаткан.

Буга дейре Ноокат районунун Жакыпбек Субагожоев башкарган. Бирок, президент Садыр Жапаров аны  ишин таптакыр жөндөй албагандыгы үчүн кызматынан аргасыздан бошоткон.

Алишер ТОКСОНБАЕВ, өз кабарчы