27 Бардыгы /

Жалал-Абад шаарындагы соода-логистикалык комплексин курууну жана башкарууну “МСК групп” жоопкерчилиги чектелген коому ишке ашырат.

Жалал-Абад шаардык мэриясынын маалымат борбору билдиргендей,

мындай келишимге мамлекеттик жеке өнөктөштүк мыйзамынын негизинде Жалал-Абад шаарынын мэри Эрнисбек Ормоков менен “МСК групп” ЖЧКтын башкы директору Нурбек Исмаилов кол койду.

Келишимге ылайык, Жалал-Абад шаарында курулуп жаткан жаңы муниципалдык базардын курулушун каржылоону, курууну жана башкарууну “МСК групп” жоопкерчилиги чектелген коому жүргүзөт. Инвесторлор аталган базардын курулушуна 57 млн. доллар инвестиция салууда.

Белгилей кетсек, мурдагы “Телтору” ат майданынын ордуна 22 гектардан ашуун аянтты ээлеген жаңы базар курулууда. Ага шаардын борбордук бөлүгүндөгү базарларды көчүрүү пландалган.

“Аймак”