18 Бардыгы /

Өлкө аймагында “кошумча жабдык” рейди жүрүп, эки күндө 1млн 919миң 500 сомго айып салынды.
ЖКККББнын басма сөз кызматы билдиргендей, жол кыймылынын коопсуздугун камсыздоо башкы башкармалыгы өлкө аймагында “кошумча жабдык”     аталышында рейд өткөрүп, “Сосновка” , “Арал”, “Чычкан”,  жана башка көзөмөл өткөрмө жайларында оор жүктөрдү жана жүргүнчүлөрдү ташыган унааларды токтотуп, көзөмөлгө алышууда.
Текшерүү учурунда  маршруттук унааларга ашыкча орундуктарды жана тапчандарды орнотуп,  жүргүнчүлөрдү жаткызып  ташып жүргөн фактылар аныкталган. Ошондой эле унааларга  багаждарды, фараларды, бортторду газ-баллондорду, тосмо борттор сыяктуу кошумча жабдыктарды мыйзамсыз орнотуп алгандары үчүн эки күн ичинде 349 айдоочу аныкталган. Аладын   ар бирине 5500 сомдон протокол түзүлүп, жалпысынан 1млн 919миң 500 сомго айып  пул салынды.
Рейддик иш-чара мындан ары да улантылат.