24 Бардыгы /

Бүгүнкү күндө республикабыздын аймагында жол кыймылынын коопсуздугун камсыздоо, жол унаа кырсыктарынын абалын турукташтыруу, оор кесепеттердин алдын алуу мамлекеттик деңгээлдеги маанилүү маселелердин бири экендиги жалпыга маалым.
ИИМдин ЖКККББгы 26-май күнү баардык мектептерде  өтө турган «Акыркы коңгуроо» салтанаттуу иш-чаралар учурунда коомдук тартипти жана жол кыймылынын коопсуздугун камсыздоо багытында күчөтүлгөн тартипте кызмат өтөйт.
ЖКККББнын маалымат кызматы билдиргендей, жол коопсуздукту камсыздоо максатында эл көп чогулган жерлерде жана билим берүү мекемелеринин жанында кошумча күзөттөр уюштурулуп, күнү-түнү көзөмөл күчөтүлөт.  Бул боюнча ИИМ жана башкы башкармалык тарабынан жергиликтүү бийлик өкүлдөрүнө, Билим берүү жана илим министрлигине, ИИМдин аймактык башкы башкармалыктарына багыттуу нускамалар   берилди.
Ата-энелерге балдарын унаа башкарууга, ошондой эле авто тейлөө жайларынын ээлерине унааларды мектеп бүтүрүүчүлөрүнө ижарага берүүдөгү жана аларды ташуудагы жоопкерчиликтерин эскертебиз.
Жүргүзүлгөн талдоолор боюнча, жол унаа кырсыктарынын кесепетинен жарандардын өмүрүнүн кыйылышы, бүгүнкү коомчулуктун социалдык жана экономикалык өнүгүүсүнө орду толгус жоготууларды алып келүүдө. Анткени жол транспорт кырсыгынан  жабыр тарткагандардын басымдуу бөлүгү 16 жаштан 40 жашка чейинки жарандар болууда.
Урматтуу жарандар, жогоруда белгилегендей окуучулар жана айдоочулар тарабынан мыйзам бузууларга жана терс көрүнүштөргө күбө болсоңуздар, ЖКККББнын 0(777) 102-102 ватсап ишеним номуруна кабарлап коюңуздарды суранат.