60 Бардыгы /

1-сентябрь күнү Жалал-Абад шаарындагы №14 мектептин кошумча окуу корпусу пайдаланууга берилди.

Имараттын ачылышына Министрлер Кабинетинин Төрагасынын орун басары – УКМК төрагасы Камчыбек Ташиев, Президенттин Жалал-Абад облусундагы ыйгарым укуктуу өкүлү Тилек Текебаев, Жалал-Абад шаарынын мэри Эрнисбек Ормоков, Жалал-Абад шаардык кеңешинин төрагасы Орозбек Турдубеков, мектеп жамааты, окуучулар жана ата-энелер катышты.

Жаңы окуу корпусунда билим берүү талаптарына ылайык, бардык шарттар каралган. Атайын лабораториялары, жыйындар залы, ашканасы, предметтик класстар камтылган. Мындан сырткары, аталган мектепке спорт зал, спорт аянтчасы да курулду.

Эскерте кетсек, 2024-жылдын октябрь айында Камчыбек Ташиев мугалимдер жамааты менен жеринде мектептин абалын көрүп, тийиштүү жетекчилерге окуучулар үчүн спорт зал, спорт аянтчалары менен жаңы имарат куруу тапшырмасын берген.