3 Бардыгы /

Cузак районунун Сузак айыл өкмөтүндөгү мурдагы кургак учукка каршы ооруканасына тиешелүү болгон жер тилкеси мамлекетке кайтарылды.

КРдин Башкы прокуратурасынын маалымат кызматы билдиргендей, Жалал-Абад областынын прокуратурасы тарабынан жүргүзүлгөн текшерүүдө, Сузак айыл өкмөтүнүн Достук айылында орун алган мурдагы кургак учукка каршы ооруканасына тиешелүү болгон жер тилкесинин бир бөлүгүнө 2011-жылдан тартып аталган айылдын тургундары тарабынан турак жайлар жана мал-сарайлар курулуп, жеке кызыкчылыктарына пайдаланып келишкендиги аныкталган.

Текшерүүнүн жыйынтыгы менен областтык прокуратура тарабынан базар баасы 32,2 млн. сомду түзгөн 3,07 га жер тилкеси мамлекетке кайтарылды.