3 Бардыгы /

№13 округда мыйзам бузуучулук орун алса, кайрадан шайлоонун жыйынтыгы жокко чыгарыларын Ноокен райондук мамлекеттик администрациясынын аппаратында өткөн жыйында Шайлоо жана референдум өткөрүү боюнча борбордук шайлоо комиссиясынын төрагасы Тынчтыкбек Шайназаров билдирди.

Тынчтыкбек Шайназаровдун айтымында, аталган округда кайрадан шайлоо өткөрүү үчүн республикалык бюджеттен 18,5 млн. сом акча каражаты бөлүнүп берилген.

«Баарына белгилүү болгондой, буга чейин көп мандаттуу Nº13 шайлоо округунда мыйзам бузуучулук фактысы орун алып, шайлоонун жыйынтыгы жокко чыгарылган. Мындан улам кайра шайлоо 1-мартка белгиленген. Андыктан алдыдагы шайлоодо дагы мыйзам бузуучулук орун алып, ал укук коргоо органдарына катталса, бул жолку шайлоонун жыйынтыгы да жокко чыгарылат. Эрежени бузбай, добуш берууну өткөрүп алалы, тандоону жарандардын эркине коюп берели», – деди терага. Ошондой эле Т.Шайназаров №13 шайлоо округунда аралыктан добуш беруу болбой турганын билдирди.

«Өткөн жылдын 30-ноябрында өткөн Жогорку Кеңештин депутаттарын

шайлоодо дүйнө жүзүндө алгачкы жолу аралыктан добуш берүүнү Кыргызстан практикада сынап көрдүк. Албетте, бул ийгиликтүү ишке ашып, өз жемишин берди. Бирок 1-мартта Nº13 округда кайрадан өтчү шайлоодо бул система болбойт. Анткени аны ишке ашыруу көп каражатты жана адистерди талап кылат», – деди төрага.

Nº13 шайлоо округундагы 2 талапкер шайлоого катышуудан баш тарткан:

Алар: Нурбаев Кубан Бактыбаевич жана Мажитова Шарапаткан. Жалпы 23 талапкер калды.

БШКнын маалыматы боюнча 1-мартта кайрадан шайлоо өткөрүлчү

№13 округда жалпы 94 шайлоо участкасы жана 161 миң 347 шайлоочу бар. Алардын ичинен эркектер — 80 394 (49,83%), аялдар — 80 953 (50,17%).