3 Бардыгы /

Токтогул районуна караштуу Иманалиев айыл аймагында 30 миңге жакын калкты тейлөөгө багытталган жаңы өрт өчүрүү жана куткаруу бөлүкчөсүнүн курулушу жүрүп жатат. Бул тууралуу ӨКМдин Жалал-Абад областтык башкармалыгынын маалымат кызматы маалымдады.

Кыргыз Республикасынын Өзгөчө кырдаалдар министри Канатбек Чыныбаев жумуш сапарынын алкагында аталган объектке барып, курулуш иштеринин жүрүшү менен жеринде таанышты. Министр курулуш сапаттуу жана талапка ылайык жүргүзүлүшү зарылдыгын баса белгиледи.

Ошондой эле министр Токтогул райондук жана Кара-Көл шаары боюнча өзгөчө кырдаалдар бөлүмдөрүнүн өздүк курамы үчүн түзүлгөн шарттарды көрүп чыгып, кызматкерлердин көйгөйлөрүн жеринде укту.

Иш сапар мындан ары облус аймагындагы башка район жана шаарларда улантылат.