1,253 Бардыгы /

11-майдан тартып Бишкек шаарына COVID-19га тест тапшыргандыгы тууралуу аныктамасы бар жарандарга гана кирүүгө уруксат берилиши мүмкүн. Бул тууралуу калаанын вице-мэри Татьяна Кузнецова 4-майда онлайн-бирифингде билдирди.

«Өзгөчө абал режими алынгандан кийин Бишкек мэриясы транспорт каражаттары менен адамдардын шаарга кирүүсүнө бир катар чектөө чараларын киргизүү маселесин караштырып жатат. Алардын арасында ПЦР-анализ тапшыруу же экспресс-тесттен өтүү чаралары бар», — деди Кузнецова.

Анын айтымында, мындан тышкары коронаврус жуктуруп алган адамдар аныкталган жаңы конуштардагы карантин чараларын күчөтүү жана ички блокпостторду коюу маселеси да каралууда.

Кыргызстанда апрелдин аягынан тартып жеке лаборатория COVID-19га ПЦР-анализдерди кабыл ала баштаган. Анын баасы 2 миң сомдун айланасындагы сумманы түзөт.

4-майга карата Бишкекте коронавирус жуктургандардын саны 231 адамга жетти. Алардын 70и дарыгерлер, 24ү милиция кызматкерлери.

WWW.