1,689 Бардыгы /

ЖАЛАЛ-АБАД. Кечээ, 27-сентябр күнү Жалал-Абад шаарында улгайган жарандар өстүргөн гүлдөрдүн жармаңкеси өткөрүлдү.

Жалал-Абад шаарынын сейилдөө паркында гүлдөрдүн жармаңкесине 15тей улуу муундагы апалардын өстүргөн гүлдөрү коюлуп, гүлдөрдүн түрлөрү сатууга коюлду. Бул тууралуу Жалал-Абад шаардык социалдык коргоо башкармалыгынын башчысынын орун басары Назира Жакыпова билдирди.

«Негизи жашы улгайган кишилердин пенсиядан башка киреше булагы жок болгондуктан Улуттук Кызыл Жарым Ай коомунун колдоосу менен гүл челектерди жана атайын минералдар менен байытылган топурактарды сатып бергенбиз. Бүгүнкү күндө жашы улгайган апалар өстүргөн гүлдөрдү алып келип отурабыз. Бардык эле улуулардын гүл өстүрүүгө шыгы жок экен. Алардын ичинен карап 15 жаранды тандап алганбыз. Гүлдөрдүн баары сатылып, аларга кошумча каражат болуп жатат”, –дейт Н.Жакыпова.

Белгилей кетсек, иш-чара Жалал-Абад шаардык мэриясы тарабынан 1-октябрь — Карылардын эл аралык күнүнө карата уюштурулган. Анда 15-сентябрдан 15-октябрга чейин карыларды сыйлоо бир айлыгы жарыяланган. Ал үчүн шаар казынасынан 250 миң сом акча каражаты каралып, улуу муундагы 70 жаранга азык-түлүк пакети жана кышкыга көмүр отуну камдалып берилет.