39 Бардыгы /

Бишкек шаарында өткөн дүйнөлүк кармаш урушу боюнча мелдеште Жалал-Абад облустук ички иштер башкармалыгынын атайын багыттагы полкунун эки кызматкери алдыңкы орундарды ээлешти.

Аларды салтанаттуу тосуп алуу иш-чарасы өтүп, ага Кыргыз Республикасынын Президентинин Жалал-Абад облусундагы ыйгарым укуктуу өкүлүнүн орун басары Урмат Самаев, облустук ички иштер башкармалыгынын башчысы Марлис Асанов, шаар мэри Эрнисбек Ормоков жана шаардык кеңештин төрагасы Нуртилек Болотовдор катышты.

Дүйнөлүк кармаш урушу боюнча мелдеште спортчу Толкунбек Эшимбетов 1-орунду, ал эми Абдужалил уулу Исхак 3-орунду ээледи.

Облус башчысынын орун басары спортчуларды ийгиликтери менен куттуктап, аларга бекем ден соолук жана жаңы жеңиштерди каалады.