31,617 Бардыгы /

Күйдүргү (Сибир жарасы) оорусу өзгөчө коркунучтуу, жугуштуу оору, бул ылаңдаган жаныбарлардан адамга жугуучу дарт.

Сибир жарасы менен үй-жаныбарларынын бардык түрү оорушу мүмкүн.

Жугуу жолдору:

-оорулуу малды багып кароодо, тейлөөдө чарба буюмдары аркылуу жана микробу бар топурактын, кыктын чаңын дем алганда;

-оорулуу малды сойгондо, анын терисин сыйрыганда, этин устукандаганда, жүнүн кыркканда;

-эт жана сүт азыктарынын чала бышырып пайдаланганда;

-малды союуга колдонулган буюмдар аркылуу

( балта, бычак, идиш-аяк, сүлгү ж.б)

-оорулуу малдын этин, жүнүн терисин ташыган унаа аркылуу;

-айрым учурларда чымын-жигалка, көгөн чакканда да жугушу мүмкүн.

Адамдарда оору көбүнчө тери түрүндө өтөт.

Микроб кирген жеринде кызыл түстөгү кычышкан так пайда болот. Бир сутка аралыгында ошол тактын орду көбүктөнүп, күндөн-күнгө түбү кара болгон жарага айланат. Ушул убакыттан баштап, денеси ысып, башы ооруп жана уйкусу качат. Жара жайылып, лимфа бездери чоңоёт

Жаранын өзү жана анын айланасындагы шишик кармаганда оорубайт.

Ичеги түрүндөгү- эт жана азыктарын чала бышырып пайдаланганда кездешет.

өпкө түрүндөгү – тери, жүн иштетүүдө спорасы бар абаны, чаңды дем алганда жугат.

Ичеги жана өпкө түрүндөгү оорудан өз убагында дарыланбаса өлүмгө алып келиши ыктымал.

Оорунун алдын алуу:

*күйдүргүгө каршы жыл сайын үй-жаныбарларына эмдөө жүргүзүү;

*күйдүргүнүн уюгу бар аймакта мал жайбагыла;

*ооруга шектүү малды соёр алдында, сөзсүз түрдө ветеринарга кайрылгыла;

*Малды тейлөөдө, союуда жеке тазалыкты кармоо зарыл; атайын кийимдерди кийгиле (алжапкыч, кол кап, өтүк ж.б), колуңарды самын менен жууп, жугушсуздандыруучу каражаттарды пайдалангыла.

Короодогу малдын ылаңдаганына шектенсеңиз тез арада ветеринарга кайрылыңыз.

Базар-Коргон РОАА жана МСЭК Борбору Сырга ФАИЗОВА, Эпидемиолог жардамчы.