14,433 Бардыгы /

Кыргызстанда жыл сайын кургак учук менен ооруган 6 миң адам каттоодо турат. Ал эми Жалал-Абад шаары боюнча 76 жаран кургак учук оорусу менен катталган. Өзгөчө жугуштуу формасы менен 31 жаран , чет өлкөлөрдөн ооруп келгендердин саны 19га жетти,- деп билдирди Жалал-Абад кургак учукка каршы департаментинин жетекчиси Акылбек Ормонбеков.
-Россияда көпчүлүгү ошол бир бөлмөнүн ичинде 10-20га чейин жашашат. Ошол жерде нымдуулук бар. Ошол эле учурда туура эмес тамактанышат. Дайым бирдей тамактанышат. Тамактанбай калган учурлар болот. Ошонун себебинен бири-биринен өтүп кетип кургак учук менен ооруп келишет да бирок алар медициналык жардамга муктаж болгону менен өз убагында кайрылышпайт. Азыркы учурда ГРИППке окшогон оору дегендей кылып эле көнүл бурбай жүрө беришет. Акыры такыр болбой калганда гана Кыргызстанга келип ушул жерде дарыланышат,-дейт А.Ормонбеков
Адистер Кыргызстанда башка өлкөлөргө салыштырмалуу кургак учук менен ооругандар өзүнүн нормасынан ашык деп айтышат. Алсак, 100 миң кишиге айрым өлкөлөрдө 40-50дөн киши туура келсе, Кыргызстанда 100 миң кишиге 100 киши туура келүүдө.
Кургак учук менен ооруган адам жерге какырып салгандан кийин дагы инфекция өлбөй 10 ай жашап, абага көтөрүлүп чыгып, башка адамдарга жугуп калышы мүмкүн экендигин адистер айтышууда. Дарыгерлердин айтуусунда кургак учуктун ачык түрү менен ооруп, дарыланбай жүргөн адам бир жылда 10-15 адамга ооруну жуктурушу мүмкүн. Өзгөчө өпкөнү 80%,сөөктү жана муундарды – 16% жабыркатат

Элиза Акжолтоева, “Аймак