1,869 Бардыгы /

ЖАЛАЛ-АБАД. Жакын арада Жалал-Абад шаарындагы жабык тергөө абагынын курулушу башталат. Бул жөнүндө маалымат жыйынында юстиция министринин орун басары Алмазбек Зарылбек уулу билдирди.

Алмазбек Зарылбек уулунун айтымында, министрлер кабинетинин алдында тиешелүү жол карта иштелип чыккан.

– Мунун алкагында Бишкек, Каракол жана Жалал-Абаддагы тергөө абактарын шаардан тышкары чыгаруу боюнча иш-чаралар көрүлүп жатат. Бүгүнкү күндө Жалал-Абаддагы жабык тергөө абагын шаардын четинде куруу үчүн жер бөлүнгөн. Жакын арада анын курулушуна капсула салынат. Ошондой эле Бишкек, Каракол, Ош шаарларындагы тергөө абактары үчүн жер тилкелерин бөлүү иштери аткарылууда, – деп кошумчалады юстиция министринин орун басары Алмазбек Зарылбек уулу.

Юстиция министринин орун басары Кыргызстандагы 22 жабык тергөө абагы борбордук аппарат менен санарип системасы аркылуу кошулуп, видео көзөмөл системасы коюлганын кошумчалады.

Алишер ТОКСОНБАЕВ, өз кабарчы