726 Бардыгы /

Ала-Букада мыйзамсыз алтын казууга аракет кылгандар кармалды.

Жалал-Абад ОИИБдин басма сөз кызматы билдиргендей, Ала-Бука РИИБге кен казуучу фирмалардын биринин күзөт бөлүмүнүн кызматкери билдирүү менен кайрылган. Анда 2023-жылдын 20-январына караган түнү болжол менен саат 04:05 чамасында кен казуучу ишкананын кире беришинен Чаткал районунун тургундары кармалгандыгын билдирген. Мындан сырткары кен казуучу фирманын мыйзамдуу өкүлү 1974-ж.т. А.Т. арыз менен кайрылып, кармалган балдарга мыйзам чегинде чара көрүп берүүнү суранган.

Бул окуя боюнча топтолгон материалдар Ала-Бука РИИБдин КБРне Кыргыз Республикасынын Кылмыш-жаза кодексинин 37-беренеси (Кылмыш жасоого аракеттенүү) жана 205-беренесинин (Уурдоо) негизинде катталып, кылмыш иши козголгон. Козголгон кылмыш ишинин алкагында Чаткал районунун тургундары 1978-ж.т. О.Р., 1990-ж.т. К.Т., Т.Э., 1991-ж.т. К.С., 1996-ж.т. С.Г. кармалышып, Кыргыз Республикасынын КЖПКнын 96-беренесинин негизинде Ала-Бука РИИБдин убактылуу кармоочу жайына киргизилген.

Алардын баш коргоо чарасы Ала-Бука райондук сотунда каралып, баары үй камагына чыгарылган. Азыркы учурда кылмыш ишинин алкагында шектүүлөрдүн башкашериктери бар же жок экендигин тактоо боюнча тергөө иштери толугу менен жүргүзүлүп жатат.