993 Бардыгы /

“Аэрофлот” авиакомпаниясы өз тарыхында биринчи жолу учагын Иранга оңдотууга жөнөттү. Бул тууралуу РБК басылмасы өз булактарына таянып кабарлады.

Маалыматка караганда, “Аэрофлот” Тегеранга Airbus A330-300 учагын жөнөттү. Ирандын Mahan Air авиакомпаниясынын адистери анын шасси бөлүгүн оңдойт.

РБК булактарынын айтымында, учакты Иранда техникалык тейлөөдөн өткөрүү маселеси бир нече ай талкууланган. Буга чейин “Аэрофлот” бул сунуш менен учактарды тейлөө менен алектенген HAECO Гонконг тобуна кайрылганы кабарланган.

1-апрелге карата “Аэрофлоттун” авиапаркында Airbus жана Boeing маркасындагы 178 учак болгон.

2022-жылы февралдын аягында АКШ, Европа Биримдиги (ЕБ) баштаган бир катар өлкөлөр орусиялык авиакомпаниялардын учактарына чектөөлөрдү киргизген. ЕБ Орусияга авиациялык жана космостук тармактарда колдонула турган товарлар менен технологияларды сатууга тыюу салып, бул тармактарга байланышкан товарларды техникалык жактан тейлөөнү жана камсыздандырууну токтоткон.

WWW.