2,082 Бардыгы /

          ЖАЛАЛ-АБАД. Жалал-Абад облусунда «автохулигандарга» карата өтө чукул жана дагы абдан катаал чаралар көрүлдү. Бул туурасында УКМКнын маалымат кызматынан тастыкташты.

Маалыматка караганда, «автохулигандар» коомдук тартипти ачык эле бузушуп, а түгүл жарандардын тынчтыгына жолтоолук дагы кылышкан. Эң башкысы: бул автотентектер автоунаа кыймылына жолтоолук жасашып, бир нече ирет жол транспорт кырсыгына кооптуу кырдаал дагы түзүшкөн. Акырында өздөрү жол транспорт кырсыгына кабылышып, Жалал-Абад шаарындагы бир аскердик бөлүктүн тосмосун талкалашкан. Мындан тышкары аталган облустун Сузак районунда дагы ачык автожарыш уюштурушкан. Бул мыйзамсыз иш-чарага катышкан 16 автоунаа жана дагы 34 адам акыры кармалды. Ошентип, Жалал-Абад жергесинде автоунаа жарышын уюштургандар жана анын каптышуучулары ири өлчөмдөгү акча дагы сыйлык иретинде сайышкан экен.  

Ошондуктан, жарышка катышкан автоунааларды тинтишкенде, алардын ичинен жасалма мамлекеттик номерлер, мыйзамсыз караңгылаштырылган айнектер табылып, а түгүл айрым айдоочуларды текшертишкенде, спирт ичимдиктерин ичишкендиги дагы ашкереленди. Ошондуктан, бардык автоунаалар Жалал-Абад облустук ички иштер башкармалыгынын автоунаа токтотуучу айып жайына жайгаштырылды. Буга улай автожарышка катышкандар арасында түшүндүрүү иштери жүргүзүлүп. булардын баарына тең административдик айыптар салынды.

Алишер ТОКСОНБАЕВ, өз кабарчы