402 Бардыгы /

Баткен облусуна караштуу Кадамжай районунда суу каптаган 57 турак үйдүн сел калдыктары жана дагы короо-жайы дээрлик тазаланды. Дээрлик 3,5 чакырымдан ашуун ички чарбалык жолдор ачылды. Бул туурасында Өзгөчө кырдаалдар министрлигинен билдиришти.

Айтмакчы, табият кырсыгынынан улам жетимиштен  ашуун кожолуктун короосун катарынан суу каптап, анын арасынан 61 үйдүн ичин сел дагы каптаган эле. Кайрадан калыбына келтирүү жараянынан аталган мекеменин 600гө чукул адиси тартылган. Ошондой эле 50дөн ашуун техника дагы тартылган.

Ошентип, ушул жылдын 24-июнундагы селден улам Кадамжай районунда өзгөчө кырдаал режими дагы жарыяланып, табият кырсыгынын кесепетин жоюу, ошондой эле зыяндарды тактоо иштери дагыле улантылууда. Селде беш жаштагы бала дагы каза тапкан. Ал эми үйүнүн ичине дейре суу каптаган 39 үй-бүлө туугандарыныкында убактылуу башпааналап турушат.

Буга улай Жалал-Абад облусунун Ноокен районундагы Эргеш Алиев, Баткен облусунун Лейлек районундагы Катыраң жана Баткен райоунун Ак-Татыр айыл өкмөттөрүндө дагы өзгөчө кырдаал режими киргизилген эле. Өзгөчө кырдаалдар министрлиги сел жүргөн аймактардан миңден ашуун үйдүн тургундары коопсуз жакка чыгарылганын, сел токтогондон кийин бир тобу үйлөрүнө кайткандыгын билдирди.

Алишер ТОКСОНБАЕВ, өз кабарчы