369 Бардыгы /

Ош облусунун Араван районундагы Күйгөн-Коро айылынын тургуну Кызыл китептеги боз эчкемерди мыйзамсыз өлтүргөндүгү аныкталды. Шектүү жарандын аракети NABU Кыргызстан уюмунун «Барс-2”» тобунун кызматкерлери менен аталган райондун аңчы адиси тарабынан аныкталды.

  Аталган фактынын негизинде акт дагы түзүлүп, эчкемер дароо экспертизага жөнөтүлдү. Анын жыйынтыгы менен бул иш сотко өткөрүлмөкчү.Анда жаранга тиешелүү мыйзамдарга ылайык, 25 миң сомдун 3 эселенген өлчөмүндө айып пул чегерилээри күтүлүүдө.

Анткени, мындан эки эки жыл башта БУУнун Өнүктүрүү программасынын атайын долбоорунун алкагында, Экология жана климат боюнча мамлекеттик комитет Кыргызстандагы боз эчкемерлердин жашоо чөйрөсүн изилдешкен. Анын жыйынтыгында, алардын саны акыркы 20 жылдын ичинде эки эсеге кыскарып кеткен деген бүтүм чыгарылган.

  Боз эчкемерлердин санынын азайып кеткендиги – алардын эти менен майы кайсы бир ооруларга дары деген туура эмес түшүнүк. Ага мыйзамсыз аңчылык кылып кармашып, айрым учурларда өлкө ичине жана чет элдерге дагы сатуу аракети активдешти. Боз эчкемер  Кыргызстандын Кызыл китебине киргенине 35 жылдан ашты.