219 Бардыгы /

Башкы прокуратура кыргыз прокуратурасынын түзүлгөндүгүнүн 100 жылдыгын белгилөөнүн алкагында, көзөмөл органдары тарабынан түрдүү иш-чаралар жүргүзүлүп жатканын билдирди.

Атап айтканда, Кыргыз Республикасынын Башкы прокурорунун тескемесине ылайык, салтанаттуу окуянын урматына өлкөнүн прокуратура органдарында прокурордук көзөмөлдүн бай мурасына жана заманбап ролуна арналган тарых бурчтары ачылды.

Бурчтарда Кыргызстандын прокуратурасынын алгачкы жылдарындагы тарыхый документтер, сүрөттөр, китептер жана басылмалар жайгаштырылып, прокурордун ишиндеги заманбап жетишкендиктерди жана жаңылыктарды камтыган уникалдуу көргөзмө чагылдырылган.

Бурчтун ачылышы прокуратуранын юбилейине карата уюштурулуп, анын өнүгүүсүнүн этаптарын эстеп калууга мүмкүнчүлүк түзүү менен сот адилеттигине жана мыйзамдуулукка умтулууда прокурордук кызматтын үзгүлтүксүздүгүнүн жана өнүгүшүнүн маанилүүлүгүн баса белгилейт.